நீங்கள் உங்கள் நண்பர், சகோதரர், உறவினர் எவருடன் என்றாலும் பரவாயில்லை "அனைத்திற்கும் அவசியமானது என்ன?” எனும் கேள்வியை கேளுங்கள். அவர்கள் என்ன பதில் கூறுகிறார்கள் என்பதையும் பாருங்கள்.
எமக்கும் எமது பாடசாலை காலத்தில் எமது ஆசிரியர் ஒருவர் இக்கேள்வியை கேட்டிருந்தார். மாணவர்கள் பலவாறு பதிலளித்தனர்.
ஒரு மாணவர் உடனே பதிலளித்தார், “உயிர்". "உயிருக்கும் அவசியமானது." இன்னொருவர் "உலகம்" என்றார். "அதற்கும் அவசியமானது." ஒரு அறிவியல் மாணவர் "ஒக்சிசன்" என்றார். "அதற்கும் அவசியமானது." சமய நம்பிக்கைக் கொண்ட ஒரு மாணவர் "கடவுள்" என்றார். "கடவுளுக்கும் அவசியமானது."
மாணவர்கள் பலவாறு சிந்திக்கத் தொடங்கினர். ஒவ்வொருவரும் "சூரியன்", “வின்வெளி", “அண்டம்", “பால்வெளி", "உடுமண்டலம்" என கூறிக்கொண்டே போயினர். ஆனால் ஆசிரியரோ அனைத்து பதில்களுக்கும் "அதற்கும் தேவை, அதற்கும் தேவை" என்றே கூறிக்கொண்டு இருந்தார்.
கடைசியில் அவரே விடையளித்தார்; விடை "பெயர்".
ஆம்! அனைத்திற்கும் பெயர் அவசியமல்லாவா? பெயரின்றி ஒன்றை உணர்த்தவோ கூறவோ முடியாது. பெயரைத்தான் பெயர்ச்சொல் என்றும் கூறப்படுகிறது. புதிது புதிதாக கண்டுப்பிடுக்கும் பொருற்களுக்கும் புதுப்புதுபெயர்கள் இடப்படுவதும் "பெயர்" அவசியம் உணரப்படுவதால் தானே? இந்த பெயர்களை அல்லது பெயர்ச்சொற்களை பற்றிதான் இன்று நாம் கற்கப்போகின்றோம்.
பெயர்ச்சொற்களை ஆங்கிலத்தில் "nouns” என அழைக்கப்படுகிறது. இச்சொல் இலத்தீன் மொழியில் "nōmen" (பெயர்) என்ற சொல்லில் இருந்து மருவி ஆங்கிலத்தில் பயன்படும் சொல்லாகும்.
ஆங்கிலப் பெயர்சொற்கள் (Nouns) என்பன மனிதர்கள், இடங்கள், பொருற்கள், உயிரினங்கள், உணர்வுகள் போன்றவற்றை குறிப்பதற்கான "பெயர்கள்" அல்லது "பெயர்ச்சொற்கள்" ஆகும்.
இப்பெயர்சொற்களை ஆங்கிலத்தில் பல்வேறு பிரிவுகளாக பிரித்துள்ளனர். அவைகளாவன:
- Common Nouns
- Proper Nouns
- Countable Nouns
- Uncountable Nouns
- Collective Nouns
- Concrete Nouns
- Abstract Nouns
- Compound Nouns
Common Nouns - பொதுவான பெயர்சொற்கள்
பொதுவான பெயர்சொற்கள் எனும் போது மக்கள், இடங்கள், பொருட்கள், உயிரினங்கள் அனைத்தினதும் பெயர்கள், பொதுவான பெயர்ச்சொற்கள் தான். தமிழில் இதனை "பொதுப் பெயர்ச்சொற்கள்" என அழைப்பதும் உண்டு.
இடங்கள்:
- bank = வங்கி
- school = பாடசாலை
- city = பட்டணம்
- shop = கடை
- park = பூங்கா
- pencil = பென்சில்
- book = பொத்தகம்
- chair = கதிரை
- table = மேசை
- bag = பை
- tiger = புலி
- bear = கரடி
- fish = மீன்
- snake = பாம்பு
- dog = நாய்
Proper Nouns - உரித்தானப் பெயர்சொற்கள்
குறிப்பிட்ட ஒரு பொருள், இடம், மனிதன், மதம், மொழி, மாதம், ஊர், நாடு போன்றவற்றின் உரித்தான பெயர்களையே "உரித்தானப் பெயர்ச்சொற்கள்" என அழைக்கப்படுகின்றன. உரித்தானச்சொற்கள் ஒரு வாக்கியத்தில் எவ்விடத்தில் வந்தாலும் அதன் முதலெழுத்து கெப்பிட்டல் எழுத்திலேயே வரும் என்பதை நினைவில் கொள்ளவும்.
இடங்கள்:
- London = இலண்டன்
- Jaffna = யாழ்ப்பாணம்
- California = கலிபோனியா
- Kilinochchi = கிளிநொச்சி
- Madurai = மதுரை
- Sarmilan = சர்மிலன்
- Surya = சூர்யா
- Tamilvaanan = தமிழ்வாணன்
- Kavitha = கவிதா
- David = டேவிட்
- Tamil = தமிழ்
- English = ஆங்கிலம்
- French = பிரஞ்சு
- Chinese = சீனம்
- Cantonese = கந்தோனிஸ்
- Hindu = இந்து
- Christian = கிறிஸ்தவம்
- Islam = இஸ்லாம்
- Buddhist = பௌத்தம்
- Taoism = டாவோயிசம்
கணக்கிடுப் பெயர்ச்சொற்கள் என்பன எண்ணிக்கையால் எண்ணி கணக்கிடக்கூடிய சொற்கள் ஆகும். அதாவது ஒன்று, இரண்டு, மூன்று என எண்ணி கணக்கிடக்கூடிய சொற்கள் எல்லாம் கணக்கிடுப் பெயர்ச்சொற்கள் தான்.
எடுத்துக்காட்டாக:
- apple = குமழிப்பழம்
- dollar = டொலர்
- book = பொத்தகம்
- spoon = கரண்டி
- computer = கணனி
எண்ணிக்கையால் எண்ணி கணக்கிட முடியாதச் சொற்கள் எல்லாமே "கணக்கிடாமுடியாப் பெயர்சொற்கள்" ஆகும்.
எடுத்துக்காட்டாக:
- love = அன்பு / காதல்
- water = தண்ணீர்
- happiness = மகிழ்ச்சி
- smoke = புகை
- milk = பால்
கூட்டம் அல்லது குழுக்களின் (பலரின் அல்லது பலதின்) கூட்டினை குறிக்கும் பெயர்களை "கூட்டுப் பெயர்சொற்கள்" என்றழைக்கப்படும்.
எடுத்துக்காட்டாக:
- army = இராணுவம் (பல வீரர்களை குறிக்கும் சொல்)
- class = வகுப்பு (பலர் கற்கும் இடம்)
- gang = கும்பல் (பலரை குறிக்கும்)
- colony = குடியேற்றப் பகுதி/ குடியேற்ற நாடு
- school = பாடசாலை
Concrete Nouns - திடப் பெயர்சொற்கள்
கண்ணால் பார்க்கவும், கையால் தொடவும் கூடியவற்றை "திடப் பெயர்சொற்கள்" எனலாம். இவை பொதுவானப் பெயர்சொற்களாகவோ உரித்தானப் பெயர்சொற்களாகவோ இருக்கலாம். கணகிடுப் பெயர்சொற்களாகவோ கணக்கிடமுடியாப் பெயர்சொற்களாகவோ இருக்கலாம்.
எடுத்துக்காட்டாக:
- tree = மரம்
- ball = பந்து
- nose = மூக்கு
- face = முகம்
- book = பொத்தகம்
Abstract Nouns - நுண் பெயர்ச்சொற்கள்
நுண் பெயர்ச்சொற்கள் என்பன கண்ணால் பார்க்கவோ, தொட்டுணரவோ முடியாத நுண்மையானவைகளாகும். அதனாலேயே அவற்றை "நுண் பெயர்ச்சொற்கள்" எனப்படுகின்றன.
எடுத்துக்காட்டாக:
- skill = திறமை
- opinion = கருத்து
- law = சட்டம்
- ego = தன்முனைப்பு
- peace = அமைதி
Compound Nouns - கலவைப் பெயர்சொற்கள்
இரண்டு அல்லது இரண்டிற்கு மேற்பட்ட சொற்கள் கலந்து இன்னுமொரு தனிச்சொல்லாக பயன்படும் சொற்களை அல்லது பெயர்களை "கலவைப் பெயர்ச்சொற்கள் என்றழைக்கப்படும்.
எடுத்துக்காட்டாக:
- blackboard = கரும்பலகை
- homeland = தாய்நிலம்
- swimming pool = நீச்சல் தடாகம்
- brother-in-law = மைத்துனர்
- haircut = தலைமயிர் வெட்டுதல்
இன்றைய பெயர்ச்சொற்கள் பாடத்துடன் தொடர்புடைய பாடங்களை கீழே பார்க்கவும்.
தொடர்புடையப் பாடங்கள்:
- ஆங்கிலப் பேச்சின் கூறுகள் (Pars Of Speech in English)
- ஆங்கிலப் பெயர்ச்சொற்கள் (Nouns)
- ஆங்கில வினைச்சொற்கள் (Verbs)
- ஆங்கிலப் பெயருரிச்சொற்கள் (Adjectives)
- ஆங்கில வினையுரிச்சொற்கள் (Adverbs)
- ஆங்கில சுட்டுப்பெயர்கள் (Pronouns)
- ஆங்கில முன்னிடைச்சொற்கள் (Prepositions)
- ஆங்கில இணைப்புச்சொற்கள் (Conjunctions)
- ஆங்கில வியப்பிடைச்சொற்கள் (Interjections)
இன்றையப் பாடம் தொடர்பான உங்கள் கருத்துக்களை எம்முடன் பகிர்ந்துக்கொள்ளுமாறு அன்புடன் கேட்டுக்கொள்கின்றோம். மேலும் சந்தேகங்கள் கேள்விகள் இருப்பின் பின்னூட்டம் இட்டோ, எமது Telegram ஊடாகவோ தொடர்புக்கொள்ளலாம்.
நன்றி
0 Comments